Turun lagi.., macam biasa, tim kami, turun mengail lagi di laut Jerudong. Taiming turun kali ni waktu petang, kan mengintai lauk-lauk mana tau makan malam ari. Apa lagi, sorang-sorang dah 'standby' datang awal ke rumah Kapten Perahu..hehe.. Semangat!! Alun taim tu nda plang basar, ganya ari berangin jua, jadi tia di laut tu "Bunga Lapang".. Mun perahu menyurung ke atas hampak-hampak, nda jua berapa nyaman duduk taim perahu bejalan, mana nda nya.., macam "hampak-hampak di High Way" hahaha.. Dipendekkan cerita, Tim Ligak-Ligak nda jua berapa blurih, ada jua untuk kan dimakan, tapi ada jua tarikan lauk-lauk yang tagap tu, masalahnya banyak yang rubit, hehe alum tah rejeki tu..
p.s= cua liat kawan kami yang sorang tu.. "Package" kali ah..(life jacket sama head lamp lagi!) Untuk Keselamatan diri..! hehe..jangan marah geng... kau memang penghibur..hehe..
Nama : "TIM LIGAK_LIGAK" Haji Hamid (Abg adul, C-Wah & Mamad)
Tangkapan : Lapih, Agut-agut, Anduping, Guntur (ada jua urang2nya yg melagau lauk pangiran), Kepayang2, Pisang-pisang dll.
Teknik : Dasar Laut (Joran, Ambur & Jaul) & Casting
Lokasi : Takat Laut Jerudong
Tarikh : 18-19 Jun 2009
Waktu : 6.00 petang - 7.00 pagi
No comments:
Post a Comment