Khazanah ilmu memancing kita


Kepada teman pemancing semua hantaran cerita2 pendek trip memancing anda, info pengunaan alat2 penangkapan ikan seperti bubu,bintur,rambat dan sebagainya adalah dialu2kan bersama gambar sipenangkapnya kepada editor.Sama2 lah kita akan mendapat menafaatnya jua dengan memperkenalkannya kepada generasi baru. Email: bruneifishing@gmail.com


Album Bruneifishing.

Sunday 28 June 2009

Si-Wah yang 'HENG" kali neh..hehe..

Kali ini Tim Ligak-ligak turun lagi, lokasi-lokasi mengail kali ni di kawasan laut UBD & laut Berakas. Keadaan laut masa tu beumbak dan aing surut masa kami menurunkan perahu. Terpaksa tah menurunkan perahu di pasir dekat ujung-ujung pantai Jerudong. Punyalah sibuk masa tu, mana ndanya jua, beumbak bah, alun taim tu lagi sadang jua basarnya, eyatah sebabnya kami beralih lokasi tu. Sampai saja di destinasi, apa lagi seorang-seorang dah 'standby' ni mengail', belabuh saja udah sauh, 'start' tia kami mengail. Malam tu, lauk nda mau berapa makan, keadaan aing bearus masa tu. tapi.. perahu ani apa lagi, nda lagi betantu bah mun lambung-lambung campur tia lagi ligak-ligak tekana umbak sama alun basar rapat lagi tu..hehehehe. Macam seorang-seorang ilang mood kan ngail, jadinya kapten bagi idea, baiktah berehat betaduh di kawasan belakang batu pantai Tungku. Nyaman rasanya jul.. udah betaduh ah, nda lagi ligak-ligak rasanya..hehe. Berehat tah kami di sana, mun semua kami tertidur, nyaman lagi tu, sadar pukul 3 pagi..wahahahahaha :p Uleh kami turun kali ni nda jua berapa memuaskan, tapi alhamdulillah..baik jua ada urang 'heng' kali ni, si-Wah belurih tiga ekong lauk yang tagap-tagap sekong di takat laut UBD, 2 ekong di lawa-lawa... ("Bro, apa tangkal engkau pakai ah...???" hehe).. Alhamdulillah, yang penting dapat turun dan balik dari mengail dalam keadaan yang selamat..


Nama : "TIM LIGAK-LIGAK" Haji Hamid (Abg adul, C-Wah & Mamad)
Tangkapan : Lapih, Bakalang, Kerapu (Tiga-tiga ekong ni uleh c-Wah), Agut-agut, Anduping, Kepayang2, Pisang-pisang dll.
Teknik : Dasar Laut (Joran, Ambur & Jaul) & Casting.
Tangsi: Perambut Trilene & Berkley Big Game (30 - 50 lbs).
Lokasi : Takat Laut UBD & Lawa-lawa laut Berakas .
Tarikh : 25-26 Jun 2009
Waktu : 7.00 Malam - 9.00 Pagi (taim tertidur 11.00 malam - 3.00 pagi hehe..:p)

No comments: